04/11/2019
ត្រាវិញ បើកថ្នាក់បំប៉នអំពីការចុះឈ្មោះការពារ និងធ្វើអាជីវកម្មពាណិជ្ជសញ្ញាអនុវត្តសិទ្ធកម្មសិទ្ធបញ្ញា
នាថ្ងៃទី២៩ ខែឧសភា ស្ថិតនៅមជ្ឈមណ្ឌលសន្និបាខេត្តត្រាវិញ មន្ទីរវិទ្យាសាស្រ្តនិងបច្ចេកវិទ្យាត្រាវិញ ចាត់តាំងបើកថ្នាក់បំប៉នអំពីការចុះឈ្មោះការពារនិងធ្វើអាជីវកម្មពាណិជ្ជសញ្ញាអនុវត្តសិទ្ធកម្មសិទ្ធបញ្ញាឆ្នាំ២០១៩។ ចូលរួមថ្នាក់បំប៉នមានលោក ត្រឹងវ៉ាំងឃ្វេ ប្រធានការិយាល័យតំណាងភាគខាងត្បូងនៃនាយកដ្ឋានកម្មសិទ្ធបញ្ញាវៀតណាម និងតំណាងចំនួន៥០រូប ជាថ្នាក់ដឹកនាំមន្ទីរ ស្ថាប័នខេត្តនិងនគរបាលសេដ្ឋកិច្ច(PC03) ខេត្ត ស្រុក ទីផ្សាររួមខេត្ត ទីក្រុង ។
ថ្នាក់បំពាក់បំប៉នផ្សព្វផ្សាយរាល់ការកំណត់របស់ច្បាប់ស្តីពីពាណិជ្ជសញ្ញា និងនីតិវិធីចុះឈ្មោះពាណិជ្ជសញ្ញា គ្រប់គ្រងនិងធ្វើអាជីវកម្មពាណិជ្ជសញ្ញាក្នុងអាជីវកម្ម រាល់ការកំណត់របស់ច្បាប់ស្តីពីអនុវត្តសិទ្ធកម្មសិទ្ធបញ្ញាវាយតម្លៃលទ្ធភាពនៃការរំលោភលើសិទ្ធកម្មសិទ្ធបញ្ញាឧស្សាហកម្មចំពោះពាណិជ្ជសញ្ញា។ សិទ្ធកម្មសិទ្ធបញ្ញាជាសិទ្ធរបស់អង្គការ បុគ្គលចំពោះទ្រព្យសម្បត្តិបញ្ញា រួមទាំងសិទ្ធអ្នកនិពន្ធ និងសិទ្ធមានជាប់ទាក់ទងដល់សិទ្ធអ្នកនិពន្ធ សិទ្ធកម្មសិទ្ធឧស្សាហកម្ម និងសិទ្ធចំពោះពូជដំណាំ។ ពាណិជ្ជសញ្ញាទទួលស្គាល់ជាពាណិជ្ជសញ្ញាដែលម្ចាស់កម្មសិទ្ធបញ្ញាអនុញ្ញតឲ្យអង្គការ បុគ្គលផ្សេងប្រើប្រាស់លើទំនិញ សេវារបស់អង្គការ បុគ្គលនោះ ដើម្បីទទួលស្គាល់បណ្តាលក្ខណៈពិសេសប្រភពដើម វត្ថុធាតុដើម សម្ភារៈ របៀបផលិតទំនិញ របៀបផ្គត់ផ្គងសេវា គុណភាព ភាពត្រឹមត្រូវ ភាពសុវត្ថិភាព ឬបណ្តាលក្ខណៈផ្សេងរបស់ទំនិញ សេវាពាណិជ្ជសញ្ញាជាដើម។
បានដឹងថា ចាប់តាំងពីដើមឆ្នាំមកដល់ពេលនេះ ខេត្តបើកថ្នាក់បំពាក់បំប៉នស្តីពីប្រធានបទកម្មសិទ្ធបញ្ញាបាន៤ថ្នាក់។ ឆ្លងតាមថ្នាក់បំពាក់បំប៉នបានជួយដល់បណ្តាអង្គការ បុគ្គលបញ្ជាក់បានច្បាស់ជាងពីសារៈសំខាន់នៃការបង្កើតនូវកម្មសិទ្ធបញ្ញានៅក្នុងដំណើរការសមាហរណកម្មសេដ្ឋកិច្ចដូចសព្វថ្ងៃ៕
×